بهارەکا نێرگزی، شۆرشەکا ئەڤینێ

ل کوردستانێ ئەم هێدی هیێدی یێ نێزیکی رۆژێن بهاری دبین، نێرگز یێ کارێ بشکڤین وگەشبۆنێ دکەن، ئەم هەمی ل بەندا بێهنێن خوەش و رەنگێ کۆلیلک و نیرگزاینە، ل بەندا گوهدانا دەنگێ ئاواز و مێلۆددیێن نازک یێن تەیرو تەوالا ینە، ل بەندا شورشەکێینە کو ئێدی قەت و قەت دەنگێ تڤەنگان تێدا نە بهیزین و خاترێ ژ توندوتیژیێ و گۆتنا رەق و دلشکێن بخوازین، تێدا دەرگەهێ دیالوگەکا مەدەنی و پەیڤێن ئارمانجبەر ڤەکەین، تێدا یەکاسنیا جڤاکی پەیدا بکەین، بیرورامانێن هەڤدو یێن ژ هەڤجودا قەبول بکەین، ئازادیا ڕامانی و ئازادیا تاکە کەسی بپارێزین
بەلێ ئەم ئیرو بهارەکا نێرگزی و شورشەکا ئەڤینێ دخوازین.
بایێ گۆهەرینان ئیرۆ ل جیهانێ ب بهارێن ڕنگا و ب تشتێن جوان و نازک دهێنە ناڤکرن، هەر کەس دزانیت ئێدی گۆهەرین ب رێکا تۆند و تیژیێ، ب لویلییێن تڤەنگان و خوین ڕێتنێ بجیهه ناهێت.
لێ مخابن ل کوردستانێ ڤان رۆژان هند دەنگێن نەشاز و دیمەنێن نە ژێهاتی دبینین و مە گوهلێ دبیت کو قەت و قەت ژ هەژی وێ خەبات و هیڤیێن گەلێ مە نین، یێ کو ئەڤە ب سەدان سالانە خەباتێ ژ بو دکەت و ل بەندێ یە.
ئو نە ل ئاستێ وێ رەوشێ نە یا کو نهە کوردستان گەهشتیێ ، گەلەک پێنگاڤ هاتینە هاڤێتن، ئێدی بلا ئەم هەمی ڕێک و پرەکا وەها قاییم ئاڤا بکەین ک مەشا مە یا بهەڤرا بەر ب پێشکەتن و ئازادیا تەمامی مەشا بەر ب بهارەکا نێرگزی لسەر بمەشیت بێ ی کو ئاستەنگ و تەگەرێن جەرگبڕ بکەڤن د ڕێ دا، ئو مەشا مە د نیڤا رێ دا راوەستیت و ئەم هەمی دەستێن خوە بدین کێلەکا خوە!!
من نەباوەرە ل کۆردستانێ کەسەک هەبیت، نەخوازیت گۆهەرین هەبن و ئەڤ ئارێشێن هەیی چارەسەر نەبن، لێ هەر یەکی ژ مە بو تێگەها (گۆهەڕینان) شێواز و بۆچۆنەک هەیە ، هندەک دخوازن گۆهەرین ب رێکین سحری و سیمەرخی پێک بهێن و د شەڤەک و رۆژەکان دا هەر تشت ل گۆر کەیف و حەزا وان پێک بهێت، هند ژی هەنە دخوازن ب رێکا (سەبرێ ئەیوب)ی گوهەرین چێببن، هندەک ژی دخوازن گۆهەرینان ل گۆر بەرژەوەندیا خوە و رەوشا ژیانا خوە یا تاکەکەسی بپیڤن ، لێ حەز تشتەکە و ڕیالیتە و پێکهاتنا حەزان ب رێکێن سروشتی و د وەخت ۆ جهێ خوە دا تشتەکێ دی یە.
گۆهەرین د تێگەها خوەدا ئیدیەمەک بەرفرهو کۆیرە ، تێگەها کرنولۆژی-دیرۆکی، تێگەها فەلسەفی، تێگەها سیاسی-ئیکونومی.گوهەرینا بەر ب باشیێ هەیە و یا بەر ب خەرابیێ…هتد،.لێ گۆهەرین ب تێگەهەکا کۆردی یا ئەڤرو ل کۆردستانێ دهێتە خواستن ئەو گۆهەرینە یا کۆ هەمی تەخ و تویژێن جڤاکا کۆردی لسەر یەک راو بوچون هەنە، چ گەل یان ژی چ دەستهەلات، دیالوگەکا حەکیمانە و لسەر خوە ژ بو چارەسەرکرنا هەر پرسگرێکەکا هەیی دخوازن، گەل ئەرکێن ل سەر ملێن خوە بجهبینیت و دەستهەلات ژی مافێ ئەندامێن جڤاکی بنیاسیت وب یەکسانیا جڤاکی وان پەروەردە بکەت.
ئەگەر ئەم بزانین چاڤ و دەڤێن چەند نەحەزان ل رەوشا نهە یا کوردستانی یە، پێویستە مەسەلا وەرچەرخان و بەحسێ گوهەرینان د ناڤ خوە دا ب زمانێ ئیشارەت و ب شێوەکێ (پانتمومایم) بەحس بکەین کار ژ بو بکەین ب شەرتێ کو دەنگێ مە ژی دەرنەکەڤیت، دا کو دەستێن پیس و نەحەز ڤی یەکێ د بەرژەوەندیا خوەدا ب کار نەئینن و تەجرۆبا هەیی لەکەدار بکەن و ژناڤ ببەن..ژ بو پرسا گۆهەرینان بلا ئەم فەلسەفا (گۆلیا گەنی) پەیرەو بکەین، گۆلیا مشتی دندک بین یا کو خوە چەماندی و بێدەنگ کو کەس نەبینیت دندکێن خوە پیدگەهینیت، نەکۆ گولیا سەرێ خوە بلند کری و یا ڤالا و خرش یا کو دخازیت هەرکەسەک وێ ببینیت!!
ئەڤ تەجروبا هەیی زارۆکەکە پێویستی ب پەروەردەکرنەکا زانستی و راست هەیە، بلا ئەم هەمی هاریکار بین کو ئەڤ زارۆکە د ناڤ ئاڤ و هەوایەکێ ساخلەم، ئازاد، دادپەروەر و مەدەنی دا مەزن ببیت، دا کو ئەڤ سەربۆرا نهە ل کوردستانی هەیی نەبیتە قەهرەمانێ زارۆ یێ رۆمانا نڤیسکارێ فەلستینی یی بناڤ و دەنگ (غسان کەنفانی).
هێڤینێ رۆمانا وی یا بناڤێ (ڤەگەرا حەیفا) وەهایە.
ل سالا ١٩٤٨ان دەما فەلستینی ژ وارێ خوە دەربەدەر دبن، مالباتەک زارۆکێ خوە یێ پێنج هەیڤی د لاندکێ دا دهێلن و د ڕەڤن، ناڤێ زارۆکی (خلدون – دۆف)ە پشتی شکەستنا شەشی خزیرانێ سالا ١٩٦٧ێ ئەو دایباب ژنوی ل هەوارا زارۆکێ خوە دچن، لێ دەما دگەهن باژێری د بینن کۆ زارۆکێ وان بیست سالی یە، دخوازن وی هەمبێز بکەن و جاردی ڤەگەرینن، لێ پڕ درەنگە و زارۆ ئیدی وان وەک دایباب قەبۆل ناکەتن و دبیێژیتە وان..چ هێجەتا نەگرن و نەبێژن مە گەلەکا بۆ تە کریە گری، ما هوین نزانن ئەگەر چەند ڕۆندکێن دنیایێ هەمی بهێنە سەرێک وکۆم ببن نەشێن گەمیەکا بچویک کو جهی دوو کەسان تیدا بکەت بهەلگرن دا کو ل زارۆیی خوە یێ بەریەبۆیی بگەرهن دکۆ جارەکا دی وی ببینن!!
ئەڤجا داکو تەجرۆبا مە نەبیتە زارۆیی رۆمانا (غەسانی) دا کو ڤی زارۆی د نااڤ دەستێن دلسۆز و هەمبێزەکا پیرۆز دا مەزن بکەین و سۆبە رۆندکان بو نەرێژین، وی د ناڤ بهارەکا نێرگزی و ب گوهەرنێن ئەڤینێ و ب یەک دەنگ و یەکدەستی مەزن بکەین ، بهەڤرا گۆڤەندا ئەڤینێ بگێرن، نەکۆ سۆبە ئەڤ دەستکەفتین هەیی خەراب و کاڤل بکەین، پاشی ببین کەسێن ل سەرکاڤلان دکەن گری، زەمانێ گرینا لسەر کاڤلان ژی نەمایە!!!

نجیب باڵایی
رادیویا ئەورۆپا ئازاد/رادیۆیا ئازادیێ
پراگ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s