35 گۆله‌‌

35 گۆله‌‌
دیاری ژ بو شه‌هیدێن شه‌رنه‌خێ

ئەڤە زاڤانە دبەن سەرشویێ شڤێدی سەرخەنا وان بوو
ئەڤە زاڤانە دچن گەرماڤێ، شڤێدی شەهیانا وان بو
ئەڤە زاڤانە بوینە رێز، شڤێدی دەست دابون هەڤ، دیلانا وان بو
دایکان سەرێ سوبی تەنویر دادابون،
خویشکان توق وبەربسک بادابون و خەنا شێلا بون
زاروکان ژی شەڤا خوە لبەندەمایینا دیاریێن که‌س نه‌دیتی دەرباسکر بون
بابان ژی کریا وێ سەفەرێ دابون ب توربەکێ ئاری و دوو کیلویێن چایێ
بتەنێ… ئاخ بتەنێ…هەدارا وان نایێ
بویکێن سەربورەکا تاڵ لگەل سەفەرێن بشەڤێ لسەر سنوران هەین!!!
* *** **

Zêdetir bixîne

ئه‌ڤ نه‌چیرۆکا خه‌یالی یا میرزا موحه‌مه‌دی یه‌، زارۆ شه‌ڤبێریان پێ ده‌رباس دکه‌ن
ئه‌ڤ چیرۆکا خورتێن میرزا(( ئه‌نجو)) ینه‌، داستانا مرنا بێهوده‌یه‌
ئه‌ڤ ‌گوڤه‌نده…‌گوڤه‌ند
ئەڤ گوڤەندە گوڤەندا شه‌هیدێن ئەفسانەیی یە
ل وەلاتەکێ ئەفسانەیی..ل شەڤەکا ئەفسانەیی
ل چیایەکێ ئەفسانەیی تێ سازکرن
دهێتە گێڕان
ل چیایێ قه‌ده‌رێ ، ل قاما دی داستانا مەم و زینان.و ئه‌ڤینێ
ل ڤێ قامێ ئەفسانەیامرنێ یا 33 گولەو 35 گولەیانە
ئەڤ گوڤەندە، گوڤەندا نانێ گەرمە د شەڤەکا ساردا
دبێژنە ڤی گوڤەندێ، مرنا لسەر سنوران..
کوشتنا لسەر سنوران
ئەڤ گوڤەنده‌ چۆ جاران بداوی ناهێت، ئەم بەردەوام خاستییێن ڤێ گوڤەندێ ینە
گوڤەندا مرنا لسەر سنوران
سنورێن هەر تذشتێ مە پارچە کری
سنورێن خاکا مە و جڤاکا مە
سنورێن گوندی مە و مالباتا مە
سنورین دەشتا مە و چیایێ
سنورێن مەژیێ مەو هیڤیێن مە
سنورێن حەتتا نانا مە دوکەر کری، ئەم ژ بو وێ نانێ تێین کۆشتن
ئەو سنورین ئەوقاس د چاڤبرسی، کو چۆ جاران نە ژ نانی مە و نە
ژ خوینا مەیا گەرم تێر د بن
**** **** ****
ئازادی، وەلات و سنور
گرتن، ونداکرن و پاشی کوشتن
ئەو کوشتنا ب قاسی تەحلاتیا خوە شرین
ئەو کوشتنا ب قاسی ئێشا خوە برین
ئەو کوشتنا ب قاسی وێ هەژاریێ یاکو ب چۆ بهایان ناهێ کڕین
ئەو کوشتنا ئەوقاس ب رومەت کارێ وێ ب فریشتەیان را گەریان و ل ئەسمانێن پیروز فرین
ل شه‌رنه‌خێ جاردی چیرۆکا سیمه‌رخان تێ گوتن
سیمه‌رخێن ژ بو کوشتنێ ئافراندی
ل شه‌رنه‌خێ جاردی هه‌ژمارا گولله‌یانه‌
گۆوله‌‌یێن ژ بو زارۆکان، ژن و کال و زاڤان ته‌قاندی
ئەڤە زاڤانە دبەن سەرشویێ شڤێدی سەرخەنا وان بوو
ئەڤە زاڤانە دچن گەرماڤێ، شڤێدی شەهیانا وان بو
ئەڤە زاڤانە بوینە رێز، شڤێدی دەست دابون هەڤ، دیلانا وان بو
دایکان سەرێ سوبێ تەنویر دادابون،
خویشکان توق وبەربسک بادابون و خەنا شێلا بون
زاروکان ژی شەڤا خوە لبەندەمایینا دیاریین که‌س نه‌دیتی دەرباسکر بون
بابان ژی کریا وێ سەفەرێ دابون ب توربەکێ ئاری و دوو کیلویێن چایێ
بتەنێ… ئاخ بتەنێ…هەدارا وان نایێ
بویکێن سەربورەکا تاڵ لگەل سەفەرێن بشەڤێ لسەر سنوران هەین
بێدەنگ مابون و ژ خەونێن خوە یێن بترس هشیار نەدبون.
د خەودا بمینن، بویکێن دەستبخەنا د خەودا بمینن
حەتا زیلان مزگینیا هەلاندنا سنوران ژ وە را دئینیت
دخەودا بمینن، بویکێن شەڤا پاشتر د خەودا بمینن
حەتا(( سۆلین)) ، ئەو فریشتە، ژ قونتارا چیایێ قەندیلی
دبیتە گولچن و زارۆکا د کۆشا بویکاندا د روینیت
مزگینیا چارۆکا ئازاد و شەهیانا حەفت شەڤ و حەفت روژان ژ وەرا دئینیت
د خەودا بمینن، بویکێن دەستبخەنا د خەودا بمینن
حه‌تا(( ئوغر کایماز))، سرۆدا سه‌که‌فتنێ ژوه‌را دخوینیت
د خەودا بمینن، بویکێن دەستبخەنا د خەودا بمینن
حه‌تا ((ئه‌حمه‌د عارف)) جاردی هه‌لبه‌ستا 35 گۆله‌یان ژ وه‌را ڤه‌دینیت
دخه‌ودا بمینن، حه‌تا سولا زاڤای ژ خوینێ تێ بۆیاغکرن
ئو ب وێ سۆلێ سنور دهێن هه‌لاندن
پاشی ژ خه‌وێ رابن دا ئه‌ڤ راستیه‌ هه‌ر نه‌مینیت خه‌ون.
*** **** ***
نه‌جیب باڵایی
پراگ
03.01.2012

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: